/243/Quinto: Si Deus cognosceret tantum
in universali, divinae mentis vis ab universali
praescriberetur. A quo autem praerogativam
accepit? Deinde esset in Deo ignorantia multarum
rerum, nempe omnium singularium,
quare multa scirentur a beluis, quae ignorarentur
a Deo, ut adversus Empedoclem
argumentatur Aristoteles in i De anima,
text. 80.
EXERCITATIO XXXVI
Respondet adversariorum argumentis.
Nunc ad opposita; et, ut ordine proposito
incedamus, primo loco Cardani
sententiam refellemus, qui asserebat singularia
a Superis non cognosci, nisi ad universalia
referantur: referri vero aut ut partes,
veluti provincias, aut ut causas, veluti
Reges.
Opinio sane indigna, quae a Cardano astrologo
afferatur. Quoties enim ipse privatis
hominibus fortunas, casus, eventus adversos
et prosperos, fatum ipsum, ex astris
praedixit? An astrorum duces atque temperatrices
mentes illas aeternas, quid ipsa astra
Indice
|
Pagine introduttive |
|
EXERCITATIONES |